"နှလုံးသားကို နွေးထွေးရင် ဒါဟာလည်းအိမ်"
သီချင်းစားသားလေးပါ.. အိမ်လွမ်းသူ အဝေးရောက်နေသူများအတွက်တော့ အိမ်ပေါ့.
တကယ်တော့ ... ကျနော်မှာ အိမ်ရှိခဲ့ပါတယ်။ လူတိုင်းမှာ ရှိသလို့မျိုး ကျနော်မှာလည်း အိမ်ရှိပါတယ်။ အမေ့အိမ်ဟာ ကျနော့်အိမ်ပဲပေါ့။
ကျနော်မွေးကတည်း ကြီးပြင်လာတဲ့အထိ နေခဲ့အ်ိမ်လေး၊ အမေ့အိမ်လေးဟာ ကျနော်အိမ်ပဲပေါ့။ အဲဒီအမေ့အိမ်မှာ ကျနော်အတိတ်တွေ ရှိခဲ့တယ်။ ကျနော်အိမ်မက်တွေရှိခဲ့တယ်။ ကျနော်စိတ်ကူးတွေ၊ ကျနော့်အနာဂတ်တွေ နောက်ကျနော့်ကဘာကြီးတခုလုံးရှိခဲ့တယ်။ အဲဒါ ကျနော်အ်ိမ်လေးပါ။ အမေရှိတယ်။ အဖေရှိတယ်။ ညီအစ်ကိုမောင်နှမတွေရှိတယ်။ ကျနော်ရှိတယ်။
ဒီအိမ်လေးမှာ ကျနော်တို့တွေ ရန်ဖြစ်ခဲ့ကြတယ်။ စကားများခဲ့ကြတယ်။ ဒီအိမ်လေးထဲမှာပဲ ထမင်းတူတူစားခဲ့ကြတယ်။ ကျောင်းအတူတူ သွား ခဲံကြတယ်။ ဘ၀ရဲ့အနာဂတ်တွေကို တိုင်ပင်ခဲ့ကြတယ်။ စာအတူတူကြက်ခဲ့ကြတယ်။ ကျနော်တို့မောင်နှမတွေအတူတူနေတဲ့အိမ်လေး ပေါ့။ ဒီအိမ်လေးမှာပဲ ထမင်းကြမ်းနဲ့ကန်စွန်းရွက်ကြော်ကို အားရပါးရ နေစဉ်ရက်ဆက်စားခဲ့တာ။ ကြက်ဥတခြမ်းကို ချဉ်ဟင်းချက်ပြီး ခွက်သေးသေးလေး ဝေးမျှစားသောက်ခဲ့တာ။ တနေ့မုန်ဖိုးပြား(၅၀)နဲ့ကျောင်းတက်ခဲ့တာ။ မနက်စောစောအိပ်ရာကထပြီး ဘောလုံးကွင်းကို အပြေးသွားခဲ့တာ ဒီအိပ်ပဲပေ့ါ။
အမေကပြောတယ် သားစာကြိုးစားပါတဲ့ ကျနော်ကပြန်ပြောတယ်စိတ်ချပါအမေ သားအရွယ်ရောက်လာရင် အမေ့ကို တိုက်အိမ်အကြီး ကြီးမှာ ကားနဲ့ထားမယ်လို့ပြောတော့၊ အမေက ရယ်ရှာတယ်။ အမေ့ကို ဒီလိုအိမ်မျိူးမှာမထားဘူး လို့ဆက်ပြောတော့ အမေမျက်နှာမ ကောင်းဖြစ်သွားတယ်။ တကယ်တော့ အဲဒီအိမ်ကလေးမှာပဲ ကျနော်တို့လူလားမြောက်ခဲ့ကြတာပါ။ ဒီအိမ်ကလေးမှာပဲ အမေ့ရဲံ့မေတ္တာတွေ နဲ့ အဖေရဲ့ချစ်ခြင်းတွေနဲ့အတူ မောင်နှမတွေ စုံစုံလင်လင်နေခဲ့ကြတာပါ။
တကယ်တော့အိမ်ကလေးဟာ သေးသေးလေးပါ။ တဲပုလေးပါ။ ဘေးနားမှခြံကနည်းနည်းတော့ကျယ်ပါတယ်။ အိမ်ရှေ့အ၀င်မှတော့ ပန်းပင်လေးတွေ ဟိုဘက်ဒီဘက်မှာ စိုက်ထားပါတယ်။ အိမ်အ၀င်လမ်းကလေး ဂ၀ံကျောက်ခင်းထားတဲ့လမ်းလေးပါ။ အိမ်ရှေ့ခြံစည်းရိုး တည့်တည့်မှာ မကျဉ်းပင်ကြီးတပင်ပေါက်နေပြီး၊ ခြံဝန်းထဲမှာတော့ အုန်ပင်(၈)ပင်တိတိရှိပါတယ်။ အုန်းသီးတော့ တော်တော်ကို ပေါပေါ လောလောစားခဲ့ရတယ်။ ခြံနောက်ဘယ်ညာအစွန်းမှာတော့ ပိတောက်ပင်အကြီးကြီးတပင်ရှိပါတယ်။ ရပ်ကွက်ထဲမှာတော့ အကြီးဆုံး ပိတောက်ပင်ကြီးပါပဲ။ သင်္ကြန်ကျရင် ခြံလေးဟာ ပိတောက်ပန်းတွေနဲ့ သိပ်လှ၊သိပ်ကျက်သရေရှိပါတယ်။ ခြံနောက်ဘယ်က ဘယ်အစွန်း အိမ်ရဲ့နောက်ဘက်တည့်တည့်မှာတော့ မို့ပင်ကြီးတပင်ရှိပါတယ်။ ခြံရဲ့အရှေ့ညာခြမ်းမှာတော့ ရေတွင်းတတွင်းရှိတယ် အဲဒီမှာပဲ ရေချိုးကြ တယ်။ ခြံတံခါးကတော့ အိမ်နဲ့မျက်နှာချင်းဆိုင် တည့်တည့် ခြံရဲ့ ဘယ်ဘက်အခြမ်းလေးမှာပေါ့. ခြံစည်းရိုးနဲ့ အိမ်နဲ့ကြားမှာ ဂျစ်ကား တစီး စားကျော်ကျော်နေရာလေး ရှိနေပီး ကျနော်တို့ မောင်နှမများရဲ့ကစားကွင်းပါပဲ။ နောက်ဘယ်ခြံစည်းရိုးနဲ့ အိမ်နဲ့လည်း နည်းနည်းလှမ်းပါ တယ်။ ခြံကကျယ်တယ်လို့ဆိုနိုင်ပါတယ်။ နောက်ပိုင်းမှတော့ အိမ်နောက်ဘက်မှာ ခြံခတ်ပြီး ကြက်ကိုတပိုင်တနိုင်မွေးပါသေးတယ်။ မေမနဲ့မမတို့ညီမတိုကတော့ အားရင်အားသလို့ ခြံထဲမှာ ပန်းပင်တွေစိုက်ထားတတ်ပါတယ်။ တချို့အပင်တွေကတော့ ကျနော့်အတွက် အဖရဲ့ကြိမ်တုတ်တွေပါပဲ။ အိမ်ထဲကို ၀င်မယ်ဆိုရင် လှေကားလေး (၃)ထပ်လှမ်းရပါတယ်။ အိမ်ကဆောက်ထားတာ အရှေ့ဘက်ကို ခပ်စောင်းစောင်းလေးပါ။ အဖေကတော့စတိုင်လို့ပြောတာပဲ..ကျနော်တိုတော့ပြိုကျမှာလန့်နေမိတာပါ။ အိမ်ခန်းလေး(၃)ခန်းမှာ မိသားစု (၈)ယောက်နေပါတယ်။ တခန်းတခန်းဟာ အကျယ် (၅)ပေ အရှည် (၆)ပေခွဲလောက်ကျယ်ပြီး အည့်ခန်းတော့မ၇ှိတော့်ပါဘူး။ တအိမ်လုံး မှာ အပေါများဆုံးက အ၀တ်ဖြစ်ပြီး မရှိဆုံးကတော့ အစားသောက်နဲ့ပိုက်ဆံပါပဲ။ အ၀တ်ဆိုလို့အကောင်းတော့မဟုတ်တော့ပါဘူး၊ သိမ်း ထားတာများလို့ပါ။ မှတ်ညာဏ်ထဲမှာယခုတိုင် ထင်ထင်ရှားရှားမြင်နေရတုန်းပါ၊ အိမ်မက်ထဲမှာလဲ အဲဒီအိမ်ကို ခနခနရောက်ဖြစ်ခဲ့ပါတယ်။ လွန်ခဲ့တဲ့ (၁၅)နှစ်ကျော်ကျော်လောက်တုန်းကပါ။ အဲဒီအိမ်ကလေးနဲ့ အဲဒီဘ၀ကလေးကို ကျနော်ယခုအထိ တမ်းတနေတုန်းပါ။
အဲဒီအိမ်က ကျနော်တို့ပြောင်းတော့ ကျနော်(၈)တန်းတက်နေတုန်းပေါ့။ ကျနော့်ဘ၀တွေ တဆစ်ချိုးပြောင်းသွားတဲ့အခြေအနေပါပဲ။ အဲဒီက တဆင့်အိမ်တွေ အိမ်တွေပြောင်းပြောင်းလာခဲ့ကြတာ အိမ်တွေလည်းမနည်း ရပ်ကွက်တွေလည်းစုံခဲ့ပါတယ်လေ။
ပထမဆုံးအိမ်ကိုလွမ်းခဲ့တာကတော့ အိမ်ပေါ်ကစဆင်းခဲ့တဲ့နေပါ။ မိဘရဲ့စကားကို ပြန်ခံပြော၊ ကိုယ်ကိုကိုယ်အဟုတ်ကြီးမှတ်ထင်ပြီး တော့အိပ်ပေါ်ကနေ အ၀တ်တထည်ကိုယ်တခုနဲ့ဆင်းလာခဲ့တာပါ။ ရန်ကုန်မြို့ထဲကို ခြေလျင်လျှောက်ပြီး ဦးတည်ရာကိုသွားနေခဲ့တယ်၊ ပိုက်ဆံတပြားမှမပါ ဗိုက်ဟောင်းလောင်းနဲ့ ရန်ကုန်မြို့ဘတ်စကားဂိတ်မှာ ခြေစုံပစ်ပြီးထိုင်နေတုန်းမှာ အိမ်ကိုစလွမ်းခဲ့တာပါ။ အနည်းဆုံး သွားချင်ရာသွားပြီးနောက်မှာ ပြန်စရာအိမ်ကလေးတခု၊ အိပ်စရာအမိုးအကာနဲ့ ဖျာလေးတချပ် စောင်လေးတခု၊ ဒါဟာအိမ်ပါပဲ။ ကျနော် မှာသွားစရာနေရာမရှိ၊ ပြန်စရာနေရာမရှိ ၊ အိပ်စရာနေရာမရှိတဲ့အချိန်မှာ အိမ်ရဲ့တန်ဖိုးကို စသိခဲ့ရတာပါ။ အော်... အိမ်ဆိုတာ တကယ် တော့ ငါ့အတွက် လုံခြုံမူအပေးနိုင်ဆုံး၊ ငါ့ဘ၀အတွက် အကာအကွယ်နေရာလေးတခုပါလားဆိုပြီးသဘောပေါက်လာခဲ့ပါတယ်။ အဲဒီနောက်မှာတော့ ကျနော့်ခြေလှမ်းတွေဟာ အိမ်ဘက်ကို ပြန်လှည့်ခဲ့ပါတော့တယ်။ ဒါဟာအိမ်ကိုစလွမ်းပြီး အိမ်ရဲ့အဓိပ္ပါယ်ကို စသ ဘောပေါက်နားလည်တဲ့အချိန်ပါ။ ကျနော်အသက်(၁၄)နှစ်အရွယ်ပါ။ ကျနော်အိမ်ကိုပြန်ရောက်တဲ့အချိန်မှာတော့ အိမ်ရဲ့အနှစ်သာရ ကို ပိုသဘောပေါက်နားလည်ခဲရတယ်။ အဲဒါကတော့ နွေးထွေးမူနဲ့ စိတ်အေးချမ်းမူပါ။ အိမ်ကိုစမြင်မြင်ခြင်းရင်ခုန်ရသလို အိမ်ထဲခြေလှမ်းစ တာနဲ့ကို ကျနော့်ရင်ထဲမှာ နွေးထွေးမူတွေစုပြုံခံစားလာရပါတယ်။ အိမ်ရဲ့နွေးထွေးမူတွေက ကျနော်ကိုသိမ်းကြုံးဖက်ထားလိုက်ပါတော့ တယ်။ အဲဒီနွေးထွေးမူတွေကနေတဆင့် စိတ်အေးချမ်းမူကိုခံစားလာရပါတယ်။ အပူအပင်ကင်းမဲ့တဲ့ဘ၀လေးဟာ ဒီအိမ်ရဲ့ အမိုးအောက် မှာပဲရှိနေပါလားဆိုတဲ့အသိနဲ့ ကြည်နူးမိပါတယ်။ တကယ်တော့ အ်ိမ်နဲ့မိဘ တူတူပဲ၊ ခွဲမရဘူးဆိုတဲ့အသိကတော့ ကျနော် ဘ၀တက္ကသိုလ် အရောက်မှာစသိခဲ့ရတာပါ။
အရွယ်တွေရောက်လာကြတဲ့အချိန်မှာတော့က ကျနော်တို့အိမ်ကလေးဟာ ၂ ထပ်တိုက်ပုလေးတလုံးပါ။ ကိုယ်ထူကိုယ်ထဆောက်လုပ် ထားတာပါ။ အဲဒီအိမ်ကလေးဆောက်လို့မပြီးမစီးခင်မှာပဲ ကျနော်ဟာအိမ်ကနေ တကိုယ်တော်ပြောင်းေ၇ွလိုက်ရပါတယ်။ ဘ၀တက္ကသိုလ် ဆီသို့ပေါ့။ နာမည်ကျော်အင်းစိန်ထောင်က တိုက်ခန်းထဲမှာ ကျနော်ဟာ အိမ်ကိုလွမ်းခဲ့ရပါတယ်။ ဆွေးခဲ့ရပါတယ်။ စိတ်ကူးတွေထဲမှာ အ်ိမ်ကိုမကြာ ခန ရောက်ခဲ့ပါတယ်။ ပထမဆုံးရုံးအထုတ်မှာအမေနဲ့ဆုံတဲ့အချိန်မှာတော့ ကျနော့်ရင်ထဲ့မှာ အိမ်ကပထမဆုံး ထွက်ပြေးပြီး ပြန်လာခဲ့တုန်းက ခံစားမူတွေပြန်ခံစားခဲ့ပါတယ်။ အမေကျနော့်ရှေ့မှာကျတဲ့မျက်ရည်တွေဟာ ဒီတခါကျတော့အတွက် သိပ်ကိုတန်ဖိုးကြီး ပြီး အဓိပါယ်ရှိခဲ့ပါတယ်။ အမေရှိတဲ့နေရာဟာ ကျနော်အိမ်ပဲ။ အိမ်ရှိတဲ့နေရလေးဟာ အမေရှိနေတဲ့နေရာပဲ ဆိုတဲ့အတွေး၊အသိတွေကို ကျနော် စတင်ခံစားသိရှိခဲ့တာပါ။ ကျနော်အသက် (၁၉)နှစ်ပြည့်မှာပါ။
အခုတော့ ကျနော်လည်း တိုင်းတပါးနိုင်ငံမှာ အမေနဲ့လည်းဝေးကွာ၊ အိမ်နဲ့လည်းခွဲခွာတဲ့အချိန်မှာ ကျနော်ပိုပြီးသဘောပေါက်နားလည်း လာခဲ့တာကတော့။ ကျနော်ရဲ့နှလုံးသားပါပဲ။ တကယ်တော့ အမေဟာကျနော်နှလုံးသားထဲမှာအမြဲရှိနေတယ်ဆိုရင် ကျနော်ဟာလည်း ဘယ်ကမ္ဘာရောက်ရောက် အိမ်မှာနေနေသလိုပါပဲ။ အမေရှိတဲ့ကျနော်နှလုံးသားဟာ နွေးထွေးသလို၊ ကျနော့်နှလုံးသားနွေးထွေးတဲ့နေရာ လေးဟာလည်း ကျနော့်ရဲ့အ်ိမ်ပါပဲ။
အမေနဲ့အိမ်ကိုလွမ်းရင်
